كرسى اعتـــــــــراف HoLlOw EgYpTiOn 15/3

ماشى يا ست دموع عنيا


نبدا بقى بسم الله

- بياناااااااااات البطاقه الشخصيه..؟؟
على حمدى 23 سنه الاسماعيليه كلية تجاره

2-لماذاا اخترت اسمك المستعااااااار..؟
انا بحب الاسم ده او بالاصح كلمة هولو بحبها وانا اخترت اسم هولو ايجبشن من اول مدخلت الشات بس بس انا بحب الكلمه عمتا هولو او خفى

[3- أين تجد نفسك في البيت ... ؟
بببقى مع نفسى او بمعنى انى بلاقيه وانا قاعد لوحدى كده

4-أين تجد راحة البال ... ؟
بلاقيها لما بساعد الناس واقدر فعلا انى اساعدهم ويكونو مرتاحين والاهم لما اكون مراعى ربنا فى حياتى ومديله حقه

5-من هو صديقك الصدوق ... ؟
اللى يحبنى ويخاف عليا واللى الاقيه جمبى وقت الشده ميبعنيش ويقول يلا نفسى هو ده الصديق اللى بجد سواء معايا او مع اى حد

6-ما هو سر نجاحك في الحياة ... ؟
اكيد سر نجاحى فى الحياه وسر نجاح اى حد توكله على الله اساسى غير كده العزيمه والاراده والاصرار


7-هل صدمت بالخيانة من أعز أحبابك ... ؟
اتصدمت من الانسانه اللى حبيتها اول مره انها خاينه ومكنتش تستاهل اى حاجه من الحب اللى حبتهولها زمان بس


8-عندما تضطر لمجالسة شخص لا تحبه ماذا تفعل .. ؟!
انا مبقعدش مع حد مبحبوش لانه ميستهلش انى اقعد معاه الا اذا كان فى حاجه لازم اقلهاله فى وشه بدل مقلها من ورا ضهره وبس

9-ماالشيء الذي يجعلك تنفجر من الغضب؟
لما حد يطلب منى طلب اكتر من مره فى خمس دقايق بجنن وغير كده البخيل بيهبلنى والكداب والنفاق بالذات

10-ماهي أحسن صفه فيك , وماهي أسوء صفه فيك؟
احسن صفه فيا انى بحب اساعد اى حد كبير وصغير عجوز وشاب ست او راجل بنت او ولد وحتى الاطفال لانى بموت فيهم بدليل ان الحمد لله كل الناس بتحبنى اما الوحش فيا انى بغضب بسرعه واوى

11-تحدث لنا عن طفولتكِ ؟
طفولتى مش هقدر ارجعها لانها كانت احلى حاجه وشقاوتى زمان كانت جامده جدا رغم انها متعبه لاهلى وللناس لكن كان الكل بيموت فيييا ومحدش كان بيقدر عليا خالص

12-ما الذي يؤثر في نفسك ويجعلها حبيسة للحيرة؟
مفيش حاجه بتحيرنى الحمد لله لانى بحل اى مشكله واى حاجه بفكر فيها بس فى الاخر بتتحل الحمد لله بس ممكن خيانة الصديق فى اى حاجه تحيرنى

13-الى أي مدى انت حر......وما هي قيودك.....؟
حر فى حجات كتير فى كل حياتى واللى فى دماغى بمشيه بس المهم انه يكون صح وبس لكن بحس انى مقيد لما بيبقى فى دماغى حاجه ومش بعملها عشان خاطر ناس متزعلش مثلا منى

14-ما مدى الاتفاق والاختلاف بين عقلك وقلبك......ومن اقوى فيهما....؟
اكيد كل واحد ليه حاجه معينه يعنى القلب بنحب بيه ومنقدرش نتحكم فيه زى عقلنا لانه بيحب كل الناس مش شرط حبيبه اما العقل فده بنفكر بيه قبل منعمل اى حاجه يعنى القلب للحب والعقل للتفكير بس

15-ايه اكتر حاجه بتحبها في كل من :
الاكلات الممبار المكرونه بشاميل البط
المشروبات الفراوله والمانجه والموز باللبن
المطاعم المطعم الهادى الشيك اللى من غير قرف عيال صغيره ودوشه
وسائل المواصلات بحب اركب الجطر يا بهانه
انواع السيارات بعشق حاجه اسمها بى ام دبليو وبموت فى حاجه اسمها اوكتافيا او سكودا اوكتافيا ايه فايف
المصايف الاسكندريه ورومانه
الفصول الشتا و تالته تانى
الالوان الاسود والاخضر والبنى الغامق
الملابس الجلابيه لانها شرحه وبرحه بس طبعا اثناء الصلاه او البيت فقد

الهوايات انا طبعا بحب الرسم والخط والزخرفه وكتابة الشعر بس وممكن لعب البلى
الطفوله بحب الاطفال عمتا بس طفولتى بحب سن5 لحد 8
المراهقه من سن 13 لحد 16
المشاهير الاجانب بموت فى كاثرين زيتا جونس العرب زينب العسكرى ومحمد سعد واحمد السسقا
الاغاني بحب الاجنبى اغنية تيتانك والعربى صدقنى خلاص لعمرو دياب
الافلام العربى بحب سلام يا صحبى وتيتو الاجنبى بحب فيس اوف بتاع جون ترافولتا ونيكولاس كيدج وبحب الصخره بتاع شون كونرى ونيكولاس كيدج وافلام جاكى شان القديمه
المسلسلات بحب العربى فارس بلا جواد وزئاب الجبل اجنبى بحب فريندس وبريزون بريك وهركليز
المسرحيات المتزوجون ومدرسة المشاغبين
الحكم كل الحكم طبعا جميله لانها كلها افاده
الامثال انا بحب المثل بتاعى اللى هو نفض تعيش تنتعش لانه جميل ومفيد جدااا
الاحاديث بحب كل احاديث الرسول عليه الصلاة والسلام اكيد طبعا
سور القران البقره والاخلاص
الشيوخ وجدى غنيم وكشك
اهل مدينتك كلهم بحبهم
المنتدى م نتداكم بحب فيه هدوءه وناسه المحترمه
اصحابك
بحب اصحابى كلهم طبعا

اخر سؤال ليكى شلنى

.


1_بكل صراحه ايه رايك فى المنتدى
وايه هى الاشياء التى يجب ان تكون موجودة بيه ؟

2_ايها تفضل الحب او المال او المركز الاجتماعى؟

3_ لو جاءت ليك فرصه سفر اى دوله تحب تسافر ليها؟

4_احكى عن يومك ازاى بتقضيه؟

وايه هى التقوص التى تحافظ عليها و تقوم بيها
يوميا.؟

1_بكل صراحه ايه رايك فى المنتدى
وايه هى الاشياء التى يجب ان تكون موجودة بيه ؟

والله المنتدى بتاعكم جميل عجبنى فيه هدوئه ورقان الوانه والاهم ناسه المحترمه هو بس ناقصه الهمه فى كتابة المواضيع وعايز بقى ناس كتير ويبقى تمام اوى كده

_ايها تفضل الحب او المال او المركز الاجتماعى؟

والله انا واى حد يفضل التلاته بس انا هختار الحب اذا كان صادق ومن القلب اما اذا كان حب كاذب فهفضل امى اختار المال اما لو المال ده هيحسسسنى ان الناس تعرفنى عشانه يبقى يغور مش عايزه فى الحاله دى افضل المركز الاجتماعى وسعتها برضه هيبقى معاه مال لكن لو المركز ده هيحسسنى ان الناس زعلانه منى وبتقول عليا انى متعالى او متكبر فمش عايزه يبقى سعتها خلينى زى ما انا

3_ لو جاءت ليك فرصه سفر اى دوله تحب تسافر ليها؟
اكيد شئ طبيعى انى اسافر انا او اى انسان غيرى مش لاقى فرضته فى بلده هيسافر للخارج لانه عارف انه ممكن يعمل حاجه واهو بره غربه وفى بلدنا غربه الاتنين واحد

4_احكى عن يومك ازاى بتقضيه؟
انا بصحى اروح شغلى اقضى يوم جميل فيه اجى اقعد على النت وبقعد من هناك برضه افضل قاعد لحد بالليل ممكن بخرج مع صحابى واجى اكمل سهره على النت وممكن مخرجش حسب مزاجى

وايه هى التقوص التى تحافظ عليها و تقوم بيها
يوميا.
شوفى المفروض الصلا اهم حاجه بس انا للاسف مبصليش مع انى كنت بصلى بس اعمل ايه اهو مبصليش واى حد يسالنى عنها اقله مش بصلى يعنى انا هتكسف من انسان بنى ادم ومش هتكسف من ربنا دى اهم حاجه المفروض نعملها فى يومنا



وفى انتظار المزيد

ورجعنا مرة تانية ندخل فى الاسئلة على طووووووول 1 - برجك ايه ؟ وهل تؤمن بالأبراج ولا لأ؟؟؟ 2 - طولك حوالى كام كدة؟؟ بتحب رقم كام ويوم ايـه؟3 - اول موقع دخلته كان ايه؟ 4 - بتنام كام ساعة فى اليوم؟ 5 - ايه حلمك ؟؟؟؟؟؟؟؟؟ 6 - متى تغضب ؟7 - ومتى تحزن ؟ ومتى ترضى ؟ ومتى تفرح ؟ ايام الطفوله انتهت حقيقتيها وبقى خيالها متى تتذكر طفولتك ومتى تسأل نفسك عنها؟8 - اكثر دولة عربية تحبها .. ونفسك تزورها؟9 - تذكرة سفر مجانية من عزيز .. أي بقاع الدنيا تختار ؟10 -

كبـــــــــــ بحر الحـــــــــب ــــــــــــــرياء

معلش بقى ياعلى مبدخلش كتييييير بس انا لمتلك الأسئلة اللى عاوزاك تجاوبنى عليها كلها مرة واحدة بقى وخلاص ياريت ابقى خفيفة فى الأسئلة ومتضايقش بسرعة منصب تتمنى أن تصل إليه وماهو ؟ متى تضطر للكذب وفى أى المواقف تكذب ؟ آيه قرآنية تجعلها دائماً نصب عينيك ؟ ما هو أكثر المواقف إحراجاً وخجلاً لك ؟ ما هو لقبك المتداول بين معارفك ؟ هل انت سعيد بحياتك؟؟ اكثر صفه مش تحبها فيك ونفسك تغيرها؟؟ اكثر صفه تحبها فيك؟؟ اكثر اغنيه تحبها؟؟ ما الالوان التي تحبها؟؟وما التي تكرهها؟؟ هل انت مقتنعة بشكلك؟؟ ما هي الصفات التي تريدها بزوجة المستقبل؟؟ كفاية عليكـــــــ الشوية دوووول

أشوفك على خيييييييييييير دايما



كبـــــــــــــــــــ بحر الحب ـــــــــــــرياء

اهلا بيكم بعد غياب



1 - برجك ايه ؟ وهل تؤمن بالأبراج ولا لأ؟؟؟

برجى الحمل وانا لا اؤمن بالاشتغلات دى لان مفيش حد بيدخل فى علم الغيب وبعدين كله كلام وخلاص بيخترعوه الناس والمشكله ان فى ناس بتمشى ورا الكلام ده وبتؤمن بيه

2 - طولك حوالى كام كدة؟؟

174

بتحب رقم كام ويوم ايـه؟3 -
بحب رقم 4 بحب يوم الخميس

اول موقع دخلته كان ايه؟ 4 -
والله منا فاكر اول موقع دخلته ايه يعنى هفتكر موقع من اكتر من سبع سنين

بتنام كام ساعة فى اليوم؟ 5 -
بعد الفجر لانى محبش النوم بدرى ثم النوم ميفرقش معايا عادى يعنى مبيتعبنيش قلت النوم الحمد لله

ايه حلمك ؟؟؟؟؟؟؟؟؟ 6 -
حلمى انى اسافر لانى عارف انى هعمل حاجه لو سفرت بره بلدى

متى تغضب ؟7 -

لما حد يطلب منى طلب واحد اكتر من مره فى دقيقتين ولا خمس دقايق ولما الاقى حد قدامى منافق

ومتى تحزن ؟
احزن لما حد يطلب منى مساعده مقدرش اعملهاله بس الحمد لله عمرها محصلت
ومتى ترضى ؟

لما اللى يطلب منى طلب او مساعده مهما كان مين لما بعمله الطلب ده والاقيه فرحان ببقى مرضى ولما برضى ربنا رغم انى اساسا مش راضيه ولما ارضى امى برضه مش راضيها كتير

ومتى تفرح ؟
لما يحصلى اى موقف سعيد ويفرح اكيد لازم افرح يعنى ولما اشوف كله مبتسم حوليا

ايام الطفوله انتهت حقيقتيها وبقى خيالها متى تتذكر طفولتك ومتى تسأل نفسك عنها؟8 -
انا طفولتى عمرها مفارقتنى ابدا لانها كانت اجمل ايام حياتى اللى عشتها بجد رغم شقاوتى ومكنش حد يقدر عليا بس كنت محبوب اوى اوى والستات يا عينى ياما هرتنى بوس وانا صغير عشان كانو بيحبونى

اكثر دولة عربية تحبها .. ونفسك تزورها؟9 -
الامارات بحبها لانها بلد جميله ومتقدمه فى حجات كتير بس بلدى هى ام الدنيا برضه

تذكرة سفر مجانية من عزيز .. أي بقاع الدنيا تختار ؟10 -
هو بعد بيت الله الحرام طبعا اتمنى اروح البرازيل واقعد فى جزيره من جزرها على البحر كده مع نفسى




منصب تتمنى أن تصل إليه وماهو ؟
انا بحلم انى ابقى راجل معاه فلوس كتير ومقتدر مليونير يعنى لسبب انى اساعد الغلبان والله وادى المحتاج من اللى ربنا مدهولى مش اكتر

متى تضطر للكذب وفى أى المواقف تكذب ؟
يعنى بضطر للكذب او حد صحبى عمل حاجه وقلى اقول محصلش وكده لاهله بضطر انى اكذب بس هعمل ايه بقى

آيه قرآنية تجعلها دائماً نصب عينيك ؟
اية الكرسى

ما هو أكثر المواقف إحراجاً وخجلاً لك ؟
هههههههههههههههههههههههههههههههههههههههههههههههه مبلاش السؤال ده

بصى يا ستى وانا فى الحضانه زمان كنت بتمرجح انا وواد صحبى والواد كان بيمرجحنا اوى قلتله عايز اروح الحمام ولا عبرنى يا ابنى الحماااااااام ولا عبرنى المهم المررجيحه بقت هى حمامى واللى هيتريق هضربه المضطر يركب المرجيحه لاحرج من الصراحه مهما كانت

ما هو لقبك المتداول بين معارفك ؟
بصى انا اسمى الحقيقى على محمود لكن اللقب على حمدى وسعات علوه

هل انت سعيد بحياتك؟؟
لا مش سعيد بحياتى لانى مقصر مع ربنا بكتييييييييييير وفى حق اهلى كمان بس محدش من الناس اشتكى منى الحمد لله بل العكس كله بيقدرنى ويحترمنى

اكثر صفه مش تحبها فيك ونفسك تغيرها؟؟
غضبى لانى لما بغضب او اتعصب ببقى بنى ادم تانى خالص خالص

اكثر صفه تحبها فيك؟؟
انى قلبى رحيم جدا جدا فوق متتخيلى وطيب اوى ومبقلش لا لحد

اكثر اغنيه تحبها؟؟
صدقنى خلاص بتاعت عمرو دياب

ما الالوان التي تحبها؟؟وما التي تكرهها؟؟
بحب الاسود اوى اوى والابيض برضه بحبه والاخضر والبنى مفيش لون بكرهه كله عادى

هل انت مقتنع بشكلك؟؟
الحمد لله مقتنع طبعا انا احسن من غيرى كتير ربنا خلقنى كده والحمد لله انا مقتنع جدا


ما هي الصفات التي تريدها بزوجة المستقبل؟؟
اهم حاجه الادب والاحترام واخلاصها لبيتها وتعرف تربى ولادها ان شالله يكون معاها اعداديه حتى مبتفرقش معايا الحجات دى ومش مهم تبقى ملكة جمال ولا فرجينيا الجميله طبعا



شكرا على شوية الاسئله الجميله يا جميل

معلش عالغياب الطويل شويتين ده

بس والله غصب عن الواحد

وادينا رجعنا مرة تانية واتمنى اننا نشوفك تانى

بس مش على الكرسى بقى عشان كدا خلاص

بــــــــــــــــــــــراءة ياعم

ميرسى على ردودك ياعلى

وأتمنى انى مكنش أزعجتك أو طولت عليك باسئلتى دى

تقبل مرورى



كبــــــــــــــ بحر الحب ــــــــــــرياء