الحب ثم الزواج ... او الزواج ثم الحب ..؟؟

مواضيعك دايما هادفة ياشذوكى

المهم

أنا بقى مع القسم الأول

(( الحب ثم الزواج ))

أجمل حاجة فى الدنيا انك ترتبطى بإنسان فاهمك وفاهماه ودارسين بعض عن قرب طالما كل واحد فيكو مصارح التانى بكل حاجة فيه

بعيوبه قبل مميزاته وكل واحد حابب الطرف التانى كدا زى ماهو بكل مافيه من حلو ووحش وبردو شاريين بعض وحابين بعض

أعتقد ان دى أجمل حاجة ممكن تحصل ؛ لكن بقى فى الزواج ثم الحب ياعالم ممكن ييجى الحب ده ولا هاتبقى عشرة وخلاص على كدا

ونرضى بالأمر الواقع واهو زواج تقليدى زى مامعظم الناس بتتجوز دلوقتى وخلاص على كدا

طيب طالما اجه حب صادق ليه مفتحش قلبنا له ونتعايش معاه طالما هايكمل بالجواز على الاقل هنلاقى انسان فاهمنا وفاهمينو بنحبو

ويحبنا

بس فى الاخر انا بتقبل وجهة نظر كل واحد فينا وبحترمها جدااا

ومستنية اعرف رأيك ياشذوكى ولو انى عارفاه مقدمااااااا

تسلم ايدك حبيبتى

انا برده مع القسم الثانى الحب ثم الزواج

وبرده مش ضد الزواج وبعدين الحب لا بس التفضيل يعنى مثلا لو انا اتحطيت فى مقارنة هختار الحب وبعدين الجواز

زى ما كبرياء قالت بالظبط هترتبطى بأنسان بتحبيه وبيحبك فاهمة طباعه وفاهم طباعك

مش لسة بقى تقعده تدرسه بعض فى الايام الاولى من الجواز وكل واحد يبين احلى ما عنده وبعديها بفترة يظهر كل العيوب والمشاكل اللى انتى ماكنتيش عارفاها

لكن لو فى حب هتبقى عارفه كل العيوب دى وكل اللى يزعله فالبتالى تتجنبى المشاكل

مش معنى كده انه مش بيحصل مشاكل مع الحب لا بيحصل اكيد

بس الفرق انك هنا هتستحملى لانك عايزة تكملى مع الانسان اللى انتى حبيتيه واختارتيه بنفسك

لكن لومش بتحبه بعض مثلا وعريس وجوازة والسلام اى خلاف اى شدة بينكه هتكبر وتبقى مشكلة

وانتى تقولى كرمتى وكبريائى وهو كذلك لكن الحب هايخليكى تستحملى

وطبعا الكلام ده وجهة نظرى وحاجة مش نسبية وممكن تتغير مع الظروف الله اعلم
بس انا برده مش ضد الجواز التقليدى بس الافضل بالنسبالى ايه

ههههههههههههههههههههههههههههه


منا قولتلك يا سلمى انا مش ضد القسم الاول بس انا افضل القسم الثانى

ولعلمك حكاية انك ضمنة او مش ضمنة دى حاجة صعبة شوية
بس باتهيالى احنا مش صغيرين ان احنا مانعرفش نفرق بين اللى بيكدب واللى بيمثل واللى بيحبك وعايزك بجد

وبرده ده قسمة ونصيب
ممكن تفضل مرتبطة وبتحبى انسان وربنا كاتبلك انسان تانى وتاخدى صح ولا لا

انا افضل الزواج ثم الحب !!!!
قبل الزواج الاسلام ادانا فرصه تعارف وهنا ادا الزوجين التعارف والتفاهم بينهم
قبل الزواج فتره يحددها الزوجين الافضل انها تكون طويله حتى لايتخدعا فى الحب
المثل بيقول خد الى بيحبك ومتخدش الى انت تحبو
هنا انا اقول مش فى جميع الحالات لازم يكون فى قبول بين الطرفين
الحب ما هو الى علاقه بين الحبيبين العلاقه دى( تفاهم- ثقه ) اذا توفرو يبقى علاقه يبنى عليها الزواج

تسلم يا بودو على المشاركة

واكيد كل من القسمين دول له عيوبه ومميزاته